Старонка гісторыі школы

Па словах аднаго са старэйшых жыхароў вёскі Цыбуленкі П. Н., пасля адмены прыгоннага права была адкрыта царкоўна-прыхадская школа. У “Памятной книге Могилевской дирекции народных училищ на 1890-1891 учебный год”, выкананай у Магілёве на Дняпры, указана: “Народное училище I-го стана Никоновичское”.

У 1921г пачала працавать пачатковая школа. Разам з хлопчыкамі пачалі займацца і дзяўчынкі.

У час фашысцкай акупацыі заняткі ў школе не праводзіліся. Памяшканні школы былі спалены фашыстамі. Каб пачаць навучальны год, прыйшлося звярнуцца да насельніцтва з просьбай аб найме памяшканняў для класаў у іх хатах. Аднавяскоўцы, якія перанеслі страх вайны, хутка адклікнуліся і прайшлі насустрач дзецям. З вялікай радасцю дзеці пайшлі ў школу.

У 1950г было пабудавана школьнае памяшканне на 4 класныя пакоі. Але гэтага было мала, і дзеці працягвалі вучыцца ў хатах вяскоўцаў.

У канцы 60-х гадоў колькасць вучняў у Ніканавіцкай сярэдняй школе хутка павялічвалася, расла колькасць класаў-камплектаў, размяшчалася ў 10 класных прыстасаваных пакоях у 27 кв.м. Было цяжка, таму ўзнікла патрэба ў будаўніцтве новага будынка школы па тыпавому праекту. Будаўніцтва школы вяла Быхаўская ПМК-20, дзе ў гэты час працавалі і быўшыя вучні Ніканавіцкай школы. Дапамогу аказалі і вучні старэйшых класаў.

У кастрычніку 1970г будынак школы на 320 навучэнцаў быў прыняты Дзяржаўнай камісіяй і дапушчана да эксплуатацыі. ІІ навучальная чвэрць пачалася ў новым будынку школы.